मर्चवार । रुपन्देहीको कोटहीमाई गाउँपालिकामा ‘लैंगिक हिंसा विरुद्धको १६ दिने अभियान’ अन्तर्गत सचेतना र्याली तथा अन्तरक्रिया कार्यक्रम सम्पन्न भएको छ । कोटहीमाई गाउँपालिकाको आयोजना तथा नमुना एकीकृत विकास परिषद्, सेतो गुराँस बाल विकास केन्द्र र ईन्द्रेणी लगायतका विभिन्न संघ–संस्थाहरुको सहकार्यमा उक्त कार्यक्रम सम्पन्न भएको हो ।
समाजमा हुने सबै प्रकारका हिंसा अन्त्य गर्ने उद्देश्यले आयोजित उक्त कार्यक्रममा गाउँपालिकाका जनप्रतिनिधि, कर्मचारी, सुरक्षाकर्मी, संघ–संस्थाका प्रतिनिधि र स्थानीय गरी १०० जना भन्दा बढीको उपस्थिति रहेको थियो । कार्यक्रममा सहभागीहरुले लैंगिक हिंसा न्यूनीकरणका लागि सामूहिक प्रतिबद्धता व्यक्त गरेका थिए ।
गाउँपालिकाकी उपाध्यक्ष सुशिला कुमारी यादवको अध्यक्षतामा सम्पन्न कार्यक्रममा गाउँपालिका अध्यक्ष बालकृष्ण त्रिपाठीको प्रमुख आतिथ्यता रहेको थियो । कार्यक्रममा विशिष्ट अतिथिको रुपमा प्रमुख प्रशासकीय अधिकृत अजय मिश्र र नमुना एकीकृतका प्रमुख ज्ञानु पौडेलको उपस्थिति रहेको थियो ।
त्यस्तै, अतिथिहरुमा ईलाका प्रहरी कार्यालय मझगावाका प्रमुख तपेन्द्र विष्ट र सशस्त्र प्रहरी बल (APF BOP) का विकास उप्रेती सहभागी थिए । सचेतना र्याली पश्चात आयोजित अन्तरक्रिया कार्यक्रमको सञ्चालन गाउँपालिकाको सामाजिक विकास शाखाका अजय सिंहले गरेका थिए ।
