भैरहवा । भैरहवास्थित गौतमबुद्ध अन्तर्राष्ट्रिय विमानस्थलको आन्तरिक विशिष्ट (VIP) कक्ष बन्द भएको छ। नेपाल नागरिक उड्डयन प्राधिकरण प्रधान कार्यालयको निर्देशन तथा विमानस्थल सुरक्षा समितिको निर्णय अनुसार भदौ २८ गतेदेखि उक्त कक्ष बन्द गरिएको हो ।
गौतमबुद्ध अन्तर्राष्ट्रिय विमानस्थल नागरिक उड्डयन कार्यालयका महाप्रबन्धक प्रतापबाबु तिवारीले जारी गरेको सूचनामा सुरक्षा तथा प्राविधिक संवेदनशीलतालाई मध्यनजर गर्दै यो कदम चालिएको उल्लेख छ।यसअघि विशिष्ट व्यक्तिहरूले प्रयोग गर्दै आएको यो कक्ष अब बन्द भएपछि उनीहरूले सामान्य यात्रुहरूलाई उपलब्ध गराइने विमानस्थल परिसरभित्रकै सुविधा प्रयोग गर्नुपर्नेछ ।
