लुम्बिनी । आसन्न निर्वाचनलाई लक्षित गर्दै रुपन्देही क्षेत्र नं ५ मा प्रगतिशील लोकतान्त्रिक पार्टीका उम्मेदवार सुनिल चौधरीले घरदैलो अभियानलाई तीव्रता दिएका छन्। लुम्बिनी साँस्कृतिक नगरपालिका-१०, महिलवारका बासिन्दासमेत रहेका चौधरीसहितका नेता–कार्यकर्ताहरू विकास, सुशासन, रोजगारी सिर्जना र स्थानीय समस्या समाधानको एजेन्डासहित मतदाताको घर–घरमा पुगिरहेका छन्।
उम्मेदवार चौधरीले जनताका समस्या प्रत्यक्ष सुनेर समाधान गर्ने प्रतिबद्धता जनाएका छन् । युवाहरूको उल्लेख्य सहभागिता रहेको अभियानका क्रममा महिला तथा ज्येष्ठ नागरिकहरूसँग पनि छलफल भइरहेको छ। नयाँ अनुहार र स्पष्ट योजनासहित चुनावी मैदानमा होमिएको उम्मेदवारबाट मतदाताले समेत विकासमुखी र पारदर्शी नेतृत्वको अपेक्षा गरेका छन्।
