काठमाडौं । अनेरास्ववियु आरआर क्याम्पस कमिटीले दोस्रो अखिल कप २०८१ अन्तर क्याम्पस÷जिल्ला स्तरीय राष्ट्रिय पुरुष भलिबल प्रतियोगिताको गर्ने भएको छ । मंगलबार पत्रकार सम्मेलनको आयोजना गर्दै उक्त प्रतियोगिताको जानकारी दिइएको हो ।
प्रतियोगिताको उदघाटन भाद्र २६ गते बिहान १०ः०० बजे हुनेछ भने प्रतियोगिताको समापन तथा पुरस्कार वितरण असोज ३ गते हुनेछ ।
प्रतियोगितामा प्रथम पुरस्कार दुई लाख, दोस्रो पुरस्कार एक लाख र तृतिय हुनेलाई ५० हजार नगद पुरस्कार दिने व्यवस्था गरिएको छ । यसको साथै सिल्ड, मेडल तथा प्रमाण–पत्र प्रदान पनि दिने व्यवस्था गरिएको छ ।
प्रतियोगितामा सहभागी हुने क्याम्पस तथा जिल्ला स्तरका खेल टिमले २० हजार दर्ता शुल्क बुझाउनुपर्ने छ । खेल अवधिभर प्रत्यक्ष प्रशारण पर्वत भलिवल यूट्युब च्यानल र बबिन गाहा यूट्युब च्यानलबाट हुनेछ ।
