काठमाडौं । ‘पाइलट बन्न एक रुपैयाँ’ अभियानका दिपेन्द्र घिसिङ तामाङलाई पोखरामा जारी पोखरा सडक महोत्सवमा ५० हजार सहयोग गरिएको छ ।
परिवार र अन्य निकायबाट सहयोग नपाएका घिसिङलाई शनिबार महोत्सव आयोजक यूनाइटेड क्लबले नगद ५० हजार रुपैया प्रदान गरेको जनाएको छ ।
दोलखा बैतेश्वर गाउँपालिका –१२ घर भएका दिपेन्द्र सानैदेखि पाइलट बन्ने सपना बोकेको भएतापनि परिवारबाट सहयोग नपाएपछि सरकारी निकायहरु हुदै २२ सय वढी नेताहरु समेत हार गुहार गर्दा आश्वासन बाहेक केही नपाएपछि ‘पाइलट बन्न एक रुपैयाँ’ अभियान चलाएका छन् ।
पोखराको अमरसिंह मैदानमा जारि बाह्रौं संस्करणको पोखरा महोत्सवमा शनिवार घिसिङलाई महोत्सव आयोजक यूनाइटेड क्लबका पदाधिकारीहरुले महोत्सवमै नगद ५० हजार रुपैया प्रदान गरेको हो ।
दिपेन्द्रसंगै क्यान्सरपिडित पोखरा–१७ बिरौटाकी लक्ष्मी शर्मा पोखरेललाई समेत नगद २५ हजार प्रदान गरेको छ । सो अवसरमा वोल्दै पाइलट बन्नका लागि एक रुपैया अभियानका अभियनता दिपेन्द्र घिसिङले आफु सानै देखि पाइलट बन्ने सपना देखेर अगाडि बढेको भएतापनि घरपरिवारमा समस्या उत्पन्न भइ सहयोग नपाएको, विभिन्न सरकारी निकाय संग सहयोग माग्दापनि पाइलट बन्ने विषयमा कहीकतैबाट सहयोग गर्न नसकिने भन्दै फर्काएको र विभिन्न २२ सय बढी नेताहरुलाई भेटेर आफ्नो कुरा राख्दा पनि आश्वसन मात्रै पाएपछि एक रुपैया संकलन अभियानमा हिडेको वताए ।
