भैरहवा । छठ पर्वको तेस्रो तथा मुख्य दिन आज (बिहीबार) साँझ श्रद्धालुहरूले अस्ताउँदो सूर्यलाई अर्घ दिएर यो पर्व मनाएका छन् । शुक्रबार बिहान उदाउँदै गरेको सूर्यलाई अर्घ दिएपछि यस वर्षको छठ पर्व विधिवत रुपमा समापन हुन्छ ।
छठका अवसरमा रुपन्देहीका तिनाउ, दानव, घाघरा, रोहिणी नदीसहित तालतलैया र पोखरी सिंगारिका छन् । यस अवसरमा रुपन्देहीसहित विभिन्न जिल्लामा रहेका नदी, पोखरी, नहर लगायत जलाशयमा श्रद्धालु तथा भक्तजनहरूको घुइँचो लागेको थियो ।
