मर्चवार । कृषक आदर्श माध्यमिक विद्यालय, बेतकुइयाँमा अध्ययनरत कक्षा १० का छात्राहरूलाई साइकल वितरण गरिएको छ । रूपन्देहीको सम्मरीमाई गाउँपालिका–७ ले छात्रा प्रोत्साहन कार्यक्रम अन्तर्गत सो साइकल बितरण गरेको हो ।
गाउँपालिकाले ५९ जना छात्रालाई साइकल वितरण गरिएको बिद्यालयका प्रधानाध्यापक उमाकान्त अर्यालले जानकारी दिए । मंगलबार एक समारोहका बीच साइकल वितरण गर्दै वडाअध्यक्ष राधेश्याम कुर्मीले एसइइ परिक्षा दिन लागेका छात्राहरुलाई प्रोत्साहन गर्ने भन्दै भोलीका दिनमा उच्च शिक्षाका लागि आउजाउ गर्न मद्दत पुग्ने बताए ।
अध्यक्ष कुर्मीले बिद्यालयमा प्राबिधिक शिक्षालय स्थापनाका लागि पहल सुरु भएको भन्दै त्यसले पनि किशोरी शिक्षाका लागि नयाँ आयाम थप्ने विश्वास व्यक्त गरे । उनले विशेष गरि मधेशी समुदायका किशोरीहरु साधारण कक्षा पढेपछि विभिन्न कारणले उच्च शिक्षा हासिल गर्न नसकेको समस्यालाई यो कार्यक्रमले अन्त्य गर्ने बताए ।
